Шери доматите се јадат цели. Лебот не треба да го гризете. За шпагетите потребна ви е и виљушка и лажица. Не треба да го сечете целото месо наеднаш.
Сите ние кога одиме во ресторан се трудиме да се однесуваме културно.
Не ги ставаме лактите на маса, го држиме ножот со вистинската рака и не зборуваме со полна уста. Ова се бон-тон правила кои ги знаат сите, но постојат уште правила кои може да влијаат на нашата репутација.
За некои од овие бон-тон правила можеби и не сте слушнале досега:
Можете да јадете пилешко месо со раце
Кога е формален настан ни е потребен прибор, но во некои ресторани пилешкото го служат на начин што е сосема во ред да го фатите со раце и да го натопите во сосот.
Не оставајте траги од кармин на платнената салфетка
Таа треба да биде поставена на вашите коленици во текот на оброкот и со неа може само нежно да ги забришете краевите од устата за време на оброкот, но да оставите траги од кармин на неа е навистина некултурно. Во ваков случај побарајте хартиени салфети од келнерот.
Не оставајте траги од кармин на чашите
Ако сте загрижени дека ќе оставите траги од кармин на чашата, пред да се напиете исушете ги усните со допир на хартиена салфета.
За долгите тестенини потребна ви е и виљушка и лажица
Шпагетите треба да ги јадете со виљушка во десната рака и лажица во левата. Шпагетите земете ги со виљушката, допрете до лажицата и вртете за тие да се завијат, а потоа со виљушката донесете ги до устата.
Месото не се сече секогаш со нож
Одредени видови месо, како котлети на пример, е посоодветно да ги делкате на парчиња со виљушката.
Менито треба да е во допир со масата
Додека порачувате внимавајте како го држите менито. Тоа треба комплетно да е на масата или да ја допира површината барем со еден раб.
Семките и отпадоците не треба да ги вадите од уста со рака
Можете да ги вадите со рака, само кога парчето храна сте го ставиле во уста така, но ако јадете со виљушка, тогаш отпадоците треба да ги плукнете на виљушката.
Не го сечете целото месо наеднаш
Според правилата, треба да пресечете едно парче и да го ставите во уста. Сечењето на целото месо наеднаш е погрешно затоа што тоа брзо ќе ви се олади и ќе го изгуби вкусот.
Лебот не треба да го гризете
Од лебот треба да кршите мали парчиња кои ќе ги ставате директно во уста.
Канапеите не се јадат секогаш со рака
Ако канапеите се сервирани како предјадење или на коктел забава, тогаш се јадат со рака, но ако се сервирани со ручек или вечера, тогаш се јадат со прибор.
Шери доматите се јадат цели
Ако се сервирани со салата или оброк, тие се јадат со прибор, но во други случаи се јадат цели со раце. Ако се преголеми гризнете ги на два пати, но внимавајте да не се испрскате со сосот од нив.
Сокот од лимот мора да се стиска правилно
Кога јадете морска храна и ставате лимон на неа, тоа мора да го правите внимателно за да не ги испрскате луѓето околу вас. Цедете ниско над чинијата и со дланката покријте доколку е неопходно.
