Ејми Вилијамс (24) замалку не умрела кога сфатила дека уште не го извадила тампонот кој го ставила пред пет дена. Поради тоа добила сериозна сепса и се борела за живот.
Имено, мајката на едно дете заборавила да го извади тампонот кој ѝ предизвикал сепса и завршила на силни антибиотици.
„Тампони користам веќе 10 години и никогаш претходно не сум имала слични незгоди, но ова е доказ дека секогаш нешто може да се случи“. рекла таа.
Ејми признала дека тампонот го ставила кога била многу пијана.
„Бидејќи не можев да го најдам конецот кој треба да го повлечам, претпоставив дека веќе сум го извадила и само ставив нов“, открила Ејми.
Меѓутоа, пет дена подоцна, почувствувала чуден и ужасен мирис и знаела дека нешто не е во ред.
„Се избањав, но и понатаму се чувствуваше непријатен мирис и после деталното миење. Легнав во кревет и сама се ‘прегледав’. Почувствував нешто под прстите и со ноктите го допрев тампонот. Се замрзнав“, раскажала таа, додавајќи дека ѝ требало уште половина час за да го извади тампонот кој во текот на вечерта се завртел бочно, а сето тоа додека се превртувала од болки.
Forgotten Tampon Nearly Kills 24 year old Amy Williams From Essex – Global247News All the News, All the Time https://t.co/62RtTGvENN via global247news1
— global247news (@global247news1) October 11, 2020
„Мислев дека ќе се онесвестам. Кога излезе, беше целосно црн. Беше одвратно, а јас почнав да се препотувам“, се потсетила на целиот ужас.
После тоа почувствувала силни грчеви, но дури два дена подоцна, додека била на работа, колегите ѝ рекле дека е многу бледа. Отишла во болница, каде ѝ измериле телесна температура од 40 степени. Веднаш по доаѓањето почнала да повраќа, па итно ја однеле на интензивна нега, каде ѝ земале крв и веднаш ѝ дале антибиотици. Буквално била на раб на смртта.
Им раскажала за ситуацијата со тампонот, а докторите заклучиле дека таа веќе паднала во токсичен шок и дека ако тој ден не се појавела во болница, наредното утро сигурно не би се разбудила, бидејќи нејзините органи почнале да откажуваат.
„Не бев при себе од страв, плачејќи ја прашав медицинската сестра дали повторно ќе го видам син ми“, се потсетила таа.
Следните четири дена ги поминала во спиење, повремено будење и паѓање во несвест. За среќа, после неколку денови нејзината здравствена состојба се подобрила и ја пуштиле од болница.
