Крузерот во Италија е ставен во карантин поради сомнение за појава на зараза со корона вирус, јавува AFP.
Околу 6.000 луѓе се заробени на италијанскиот крузер додека се спроведуваат тестови на двајца патници од Кина, за кои постои сомнение дека се заразени со корона вирусот, изјавил портпаролот на компанијата “Коста Кросијер”.
Парот дошол во Италија на 25-ти јануари и истиот ден влегол на бродот Коста Смералда во пристаништето Савона.
После тоа добиле зголемена температура, а имаат и тешкотии со дишењето, пренесува “Reuters”.
Крузерот го посетил францускиот град Марсеј и шпанските пристаништа Барселона и Палма де Мајорка, пред да се закотви во градот Чивитавекија, северно од Рим.
Coppia di cinesi con febbre alta su nave crociera a #Civitavecchia, bloccati seimila passeggeri: sospetti per #Coronavirus, in isolamento nell'ospedale di bordo, raggiunti dai medici dello#Spallanzani per realizzare i test#ioseguoTgr @TgrRaiLazio pic.twitter.com/ZOZXihg3G6
— Tgr Rai (@TgrRai) January 30, 2020
Според зборовите на портпаролот на компанијата, на никој не му е дозволено да го напушти бродот додека не се открие дали кинескиот пар е заразен со смртоносниот вирус.
Многу земји денес почнале да спроведуваат изолација на илјадници луѓе евакуирани од кинескиот град Вухан, епицентарот на епидемијата, за да се спречи ширење на вирусот.
