Во САД владее еден вид на вонредна состојба. По сомнителните пратки адресирани до Хилари Клинтон и Барак Обама, една таква вчера пристигна и на адресата на седиштето на Си-ен-ен во Њујорк.
Редакцијата на медиумската куќа била итно евакуирана, а по неколку часа полицијата ја отстранила пратката во која имало експлозивна направа изработена во домашни услови. Американските служби потврдија дека за слични експлозивни направи станува збор и во случаите со Клинтон и Обама.
Си-ен-ен објави фотографија од пакетот што го примиле, во кој бил сместен и експлозивниот уред.
„Немојте да мислите дека само поради тоа што станува збор за рудиментирана направа истата не е опасна… Овој вид на експлозивни уреди, доколу експлодираат може да направат хаос“, предупреди пензионираниот ФБИ агент Џим Максвел за Си-ен-ен.
"Don't be lulled into thinking that just because this is a rudimentary device that this is not dangerous … these types of devices, if they go off, can wreak a lot of havoc." – Jim Maxwell, retired FBI Special Agent Bomb Tech https://t.co/ta8jx5wML9 pic.twitter.com/eLXy8abgzF
— CNN Newsroom (@CNNnewsroom) October 24, 2018
Покрај на адресите на Обама, Клинтон и Си-ен-ен, сомнителни пакети исто така биле испратени и на други адреси, главно поврзани со демократите. Еден официјален претставник за Си-ен-ен изјавил дека анализата на сите пронајдени уреди покажала дека се изработени на сличен начин, рудиментирано, но функционално, со помош на кабли и цевки. Барем една направа содржела стаклени парчиња и други смртоносни фрагменти.
