Слаб снег попладнево провејува во Маврово, на планинскиот превој Стража и на Попова Шапка, но не се задржува на коловозот, информираат од јавното претпријатие „Македонија пат“.
Оттаму апелираат на внимателно возење и прилагодување на брзината кон условите на патот.
– Дежурните екипи на ЈП „Македонија пат“ се постојано на терен и ги одржуваат сите патни правци проодни, велат од јавното претпријатие.
Уште еден месец календарски не дели од официјалното доаѓање на зимата, но снегот кој ги забелеа планините ја донесе порано.
Минусните температури и врнежи од вчера почнаа да го навестуваат студениот бран кој ќе дојде во Македонија.
Фотографиите се од утринава па затоа уживајте во снежната галерија која ја земавме од Фејсбук страницата WE HAVE SNOW – ПОПОВА ШАПКА.
