Бегалецот од Сирија, Хасан Ал Контар, пристигнал во Канада откако седум месеци минал на малезискиот аеродром, и уште два месеци во тамошен притвор.
Тој во 2006-та година ја напуштил родната Сирија и отишол да живее во Обединетите Арапски Емирати.
Меѓутоа, кога во 2011-та година во Сирија избила војна, требало да биде мобилизиран – а не сакал.
Во јануари 2012-та година му истекол пасошот, а со оглед на тоа дека не служел војска, не можел да го продолжи. Останал без работа.
Во јануари 2017-та година бил фатен во Обединетите Арапски Емирати без важечки документи.
Breaking news ✌✌ pic.twitter.com/o2vQGROBdS
— Hassan Al Kontar (@Kontar81) November 26, 2018
Поранешниот колега му помогнал да добие пасош и го спасил од затвор. Емиратите сакале да го депортираат во Сирија, но Ал Контар побегнал во Малезија.
За своите искуства објавувал на социјалните мрежи, а понекогаш се шегувал на сметка на своите необични ситуации.
This is how I looked like after hours of thinking about posting something I thought of everything including 3 in 1 coffee which by the way IS NOT A COFFEE. I couldn't come up with anything. Nothing new is going on This glass is not half empty nor half full, this glass is empty ? pic.twitter.com/T1pDV4Gjff
— Hassan Al Kontar (@Kontar81) September 20, 2018
На Твитер почнале да го следат околу 20.000 луѓе, а неговиот случај привлекол меѓународно внимание.
Така добил понуда од Канада. Лори Купер му понудила сместување во својата куќа во Вислер. Таа со група мештани понудила помош, а се здружила со Муслиманското здружение Бритиш Колумбија, но собирањето на папирологијата траело со месеци.
Додека сето тоа се одвивало, Ал Контар бил одведен во малезиски притвор. Му се заканувала депортација во Сирија. Во притвор останал два месеци.
Му била понудена и работа во еден хотел во Вислер, на полно работно време.
