Банда на мигранти повредиле 12 лица за време на нападите, означени како расистичко насилство во град во Германија, пренесуваат тамошните медиуми.
Четворица тинејџери од Иран, Сирија и Авганистан без причина напаѓале случајни минувачи во баварскиот град Амберг, а како што пренесуваат германските медиуми, меѓу повредените имало и деца.
Очевидци откриле дека еден маж бил турнат по скали, додека 17-годишен тинејџер завршил во болница поради сериозни повреди на главата.
После најновиот инцидент во Германија предизвикан од мигрантите, се огласи германскиот министер за внатрешни работи, Хорст Зехофер кој што призна дека е исплашен од случувањата во Амберг.
„Ако азилантите направат некакво злосторство, тогаш тие ќе мора да ја напуштат земјата“, изјави германскиот министер за внатрешни работи.
Насилството избило во саботата околу 18:30 часот на главната железничка станица во Амберг. 13-годишно момче било удрено во стомакот, а 29-годишен дечко претрпел повреди од удари по неговото лице.
Набрзо потоа, бандата на мигранти нападнале девојка која што почнале да ја навредуваат, а кога нејзините другари се обиделе да ја одбранат, тие биле нападнати и добиле удари со разни предмети.
Од германската полиција соопштија дека после инцидентот, биле уапсени четворицата мигранти на возраст од 17 до 19 години.
„Случувањата во Амберг многу ме вознемирија. Таквите насилни испади не смееме да ги толерираме. Ако барателите на азил започнат да прават злосторства, тие ќе мора да ја напуштат земјата. Ако постоечките закони не се доволни, ќе мора да ги промениме“, изјави Хорст Зехофер за германски „Билд“.
