Американската глумица Гвинет Палтроу (46) е обвинета дека на 72 годишен маж му скршила ребра и му предизвикала потрес на мозокот кога налетала на него на ски стаза во Јута во 2016 година.
Пензионираниот оптичар Тери Сендерсон рекол на конференцијата за новинари дека против неа поднел тужба, бидејќи му нанела повреди и не повикала помош како и дека нејзиниот инструктор по скијање и пријатели лажно сведочеле наведувајќи дека Гвинет Палтрои не го предизвикала судирот.
Сендерсон опиша дека инцидентот се случил на ски стазата за почетници во Дир Воли, кога изненадно слушнал хистеричен вресок и почувствувал удар во пределот на грбот.
Последно на што се сеќава е дека летнал напред, после што изгубил свест, а дека Гвинет го удрила му кажал еден познаник кој го видел инцидентот. Како што рекол, Гвинет Палтроу потоа си заминала и не повикала помош.
Глумицата ги негираше тие тврдења и преку портпаролот порача дека тужбата нема основа и очекува да биде отфрлена.
Сендерсон рекол дека му требале три години за да поднесе тужба, бидејќи имал проблеми со претходните адвокати и не можел нормално да функционира поради потресот на мозокот.
Како што рекол, бил во контакт со адвокатот на Гвинет Палтроу, но не му биле понудени компензација ниту извинување, туку доби само закана дека ќе биде суден.
Тој во тужбата бара оштетување од 3,1 милиони долари.
На конференцијата е прикажана видео снимка на која се гледа како жена го удира во грбот Сендерсон и уште две лица паѓаат преку него, а потоа тие две лица стануваа и го оставаат да лежи во снегот.
