Соединетите Американски Држави префрлаат војска во Порторико и Колумбија и се подготвуваат за инвазија на Венецуела, изјавил секретарот на Советот за безбедност на Русија, Николај Патрушев.
“Покажувајќи сарказам и ароганција кон венецуелскиот народ, Соединетите Американски Држави подготвуваат воена инвазија на независна држава. Префрлањето на американските сили за специјални операции во Порторико, истоварување на американски сили во Колумбија и другите факти јасно укажуваат на тоа дека Пентагон ги засилува трупите во регионот за да ги ангажира во рушење на легално избраниот актуелен претседател Николас Мадуро”, рекол Патрушев во интервјуто за весникот “Аргументи и факти”.
Како што објаснил, Венецуела одбила да ја прифати хуманитарната помош која ја нудат САД, бидејќи сфаќа дека Вашингтон се подготвува да урне демократски избран претседател.
“И венецуелскиот народ тоа добро го разбира. Оттаму таквата реакција, одбивање да се прифати помошта од земјата агресор и поддршка за нивниот претседател”, додал Патрушев.
Рускиот службеник за безбедност забележал дека САД и предложиле на Русија да одржи одвоени разговори за Венецуела, а Москва се согласила.
Меѓутоа, Вашингтон подоцна почнал да користи разни изговори за да ги избегне овие консултации, додал Патрушев.
