Познато е што се се случуваше меѓу Пол Погба и Жозе Мурињо за време на мандатот на Португалецот на „Олд Трафорд“.
Пред да добие отказ, ситуацијата во клубот беше „или тој или јас“, караниците беа се почести, а на крајот Мурињо беше тој кој мораше да си замине.
Од тогаш Погба игра феноменално, а Мурињо не се двоумеше да го обвини Французинот.
„Секогаш се обидувате да најдете решение за сите проблеми, но постои проблем за кој не можете да пронајдете решение. Кога играчот игра, тој го сака својот тренер, а кога не игра, тогаш не го сака. Тоа е природно и не може да се промени.
Од друга страна, постојат играчи кои се во феноменални односи со еден тренер, а со друг не. Тоа е хемија. Морате да работите на односите со луѓето кои не ги сакате толку“, изјави Мурињо кога го прашаа за неговиот однос со Погба, со што практично го обвини Погба дека не работел на подобрување на односот со него, што на крајот се испостави дека индиректно го чинело отказ во Манчестер Јунајтед.
