Огромна песочна олуја го покрила австралискиот град Милдура вчера напладне, претворајќи го денот во ноќ за само неколку часа. Милдура е погодена од најлошата прашина во последните години.
Според зборовите на очевидците тоа била најлошата олуја во последните 40 години. На фотографиите и видеата објавени на социјалните мрежи, видливи се огромни облаци прашина кои се надвиваат над градот.
Продавачот на автомобили во “North Star Mildura Motors”, Шон Блајтман, тврди дека ќе биде тешка задача да се исчистат 100 автомобили полни со прашина.
Тој рекол дека на почетокот изгледало како големо невреме и дека потоа се станало црно.
“Тоа беше како дебел ѕид”, рекол Блајтман.
Impressive vision of the dust storm that moved through #Mildura airport at 5pm. Wind gusts reached 57 km/h in the storm, while #Walpeup had gusts to 87 km/h and #Hopetoun hit 85 km/h. A severe weather warning is current for the #Mallee: https://t.co/N1uhs307nn #VicWeather pic.twitter.com/5otLZEVeqG
— Bureau of Meteorology, Victoria (@BOM_Vic) May 7, 2019
Прогностичарот во Бирото за метеорологија, Ричард Карлион, рекол дека е невообичаено во мај да се појави песочна олуја.
Обично тоа се случува во сушните делови на годината, во лето. Ова беше многу сув почеток на годината – додал тој.
