Соединетите Американски Држави развиле во тајност ракета за изведување на прецизни напади на терористи, без нанесување на штета на цивилите кои ќе се најдат во близина на нападот.
Како што пренесува “Wall Street Journal”, ракетата веќе ја докажала својата моќ и ефикасност на терен. Станува збор за ракетата наречена “R9X”, инаку модифицирана верзија на “Hellfire” противоклопната ракета која наместо експлозија, за елиминација на метата користи сирова сила.
“Wall Street Journal” открива дека ударот на ракетата изгледал како „наковална со голема брзина да падне од небото“, но тоа што оваа ракета ја прави посебно смртоносна е тоа што носела шест долги ножеви кои се отворале непосредно пред ударот, уништувајќи се што ќе се најде на патот пред ударот во целта.
Станува збор за ракета која благодарение на своите ножеви може со леснотија да пробие автомобили и ѕидови, а во американската армија веќе го добила прекарот „нинџа ракета“.
Развојот на тајната ракета започнал во 2011-та година со цел да се намали бројот на цивилни жртви во борбата против терористите кои намерно се распоредуваат во густо населени подрачја, а екстремистите често ги користат цивилите и како жив штит.
Hellfire Missile R9X Compared To Dropping An Anvil On The Head Of A Terrorist | Investor's Business Daily #SmartNews https://t.co/gYvkFnrJj7
— ❌Joe FreedomLover❌?????? (@JoeFreedomLove) May 11, 2019
Американската армија досега оваа ракета ја користела само неколку пати. Како што открива “Wall Street Journal”, ракетата “R9X” досега била користена во операциите на американската армија во Либија, Ирак, Сирија, Јемен и Сомалија.
