За оние кои бараат непозната дестинација со прекрасна природа, многу неодоливи животни и многу сонце, австралискиот остров Ротнест може да биде интересна идеја.
Тоа што треба да го знаете пред да тргнете кон овој рајски остров е тоа дека за сместување треба да резервирате дури 18 месеци однапред.
Патниците на одредиштето можат да дојдат за околу 17 часа. Ако се одлучите за патување во Австралија, оставете доволно време за Перт, но и за истражување на неговата околина како споменатото островче. Кога ќе дојдете до Ротнест, потребни ви се 20-тина минути пловење со траект од Фримантл или 90 минути до Перт.
Можности за забава во вода има премногу, од набљудување на егзотичниот подводен свет преку маска за нуркање, до јавање на тиркизните бранови на даска.
Повеќе од 400 видови на риби, 20 типови на корали, 9 различни морски треви изведуваат претстава за сите оние посакуваат да нурнат, пренесува. Басин, Паракеет Беј, Паркер Поинт и Литл Салмон Беј се познати дестинации меѓу почитувачите на “култот на сините длабочини”, каде може да гледате и делфини, но и бранови по мерка на сурферите.
Најдоброто место за набљудување на делфини е Кејп Вламинг, а за сурфање тргнете на заливите Стрикленд, Салмонд или Старк. Има и доволно стази за пешачење, за почетници – но и за оние кои уживаат да минат километри пешачејќи со часови.
Ротнест е познат и по коуоките, убави торбари кои толку добро се забавуваат што љубителите на животни ги прогласиле за најсреќни суштества во светот. Влакнестите староседелци на југозападна Австралија се целосно безопасни и пријателски расположени кон луѓето.
