Невреме во цела Европа: Автомобилите до кров во вода, реки течат по улиците! Во Унгарија за еден ден паднал дожд како за еден месец

1013

Унгарија и Полска биле силно погодени од невремето кое минатите денови ја зафатило Европа, а снимките кои доаѓаат од таму се алармантни.

Посебно е тешко на западот на Полска, каде водата на улиците се искачила до еден метар.

Автомобилите одвај се движат, низ улиците течат реки, жителите газат по тротоарите мокри до коленици.

Снимени се бројни автомобили до половина и повеќе во вода, како и нивните сопственици кои ги придвижуваат со тешка мака.

Во Унгарија било уште подраматично бидејќи за еден ден паднало дожд како за цел месец.

Во најтешко настраданото место се интервенирало дури 20 пати за 24 часа, а на луѓето најважно им било да се испумпа водата од подрумите, куќите, гаражите и останатите објекти.

На снимките од Унгарија се гледаат паркинзи со целосно поплавени автомобили, на кои им се гледаат само делови од кровот.

Ден претходно во Турција биле забележани уште подраматични последици од невремето. Четири згради биле уништени, по седум лица се трага, а одроните уништиле неколку патишта.

Меѓутоа, не настрадала само Европа. Доаѓаат извештаи дека филипинските власти евакуирале дури 40.000 жители, а во Уругвај околу 5.500.

ПОВРЗАНИ НАПИСИПОВЕЌЕ ОД АВТОРОТ