Агенцијата за сателитско следење на Европската Унија соопштила дека изминатиот месец бил најтоплиот јуни некогаш забележан на планетата.
Податоците од Сервисот за климатски промени Коперникус (C3S) покажуваат дека просечната температура во јуни на глобално ниво била повисока од нормалната, додека во Европа била во просек повисока за околу два степена од вообичаените вредности за тој месец.
Глобалната просечна температура била повисока за околу 0,1 степен од претходниот најтопол јуни во 2016 година.
Податоците покажуваат дека во јуни, просечните темеператури биле повисоки за околу два степена од нормалните, додека во Франција, Германија и Шпанија во текот на последните денови од минатиот месец, температурите биле од 6 до 10 Целзиусови степени повисоки.
C3S наведува дека, иако оваа појава засега не може директно да се поврзе со глобалното затоплување, токму поради глобалното загревање во иднина ќе треба да се очекува почести налети на топлотни бранови.
