Најмалку шест лица го загубија животот, а повеќе од 190 се повредени во налетот на силно торнадо кое ја погоди провинцијата Лјаонинг на североистокот на Кина.
Како што пренесуваат локалните медиуми, станува збор за ретко силно торнадо кое околу 17:15 часот по локално време го погодило градот Кајуан.
Повеќе од 290 луѓе биле евакуирани од своите домови, а во ударот на торнадото била предизвикана голема материјална штета. Се проценува дека ударите на ветрот биле до 85 километри на час.
