На 11 август во Античкиот театар во Охрид концерт на отворено ќе одржи Каролина Гочева. На концертот ќе прозвучат сите песни од албумот “Извор”, како и најубавите песни од историскиот проект “Македонско девојче”.
Инаку, ова е втор концерт за Каролина во Охрид за оваа година, претходниот го одржа во март во рамки на промоцијата на последниот албум кој излезе во февруари, а чиј комплетен автор е Николче Мицевски.
Влезниците ќе бидат пуштени во продажба од утре, а концертот е во организација на Авалон продукција.
