Фабриката за нуклеарен отпад во Обединетото Кралство “Селафилд” во Кембриџ ја носи титулата “најопасна индустриска зграда во Западна Европа”.
Според пишувањата на британски “The Sun”, за минатите две години се случиле дури 25 случаи на пробивање на безбедноста.
Наведените инциденти, како што пренел “Sputnik International”, се однесуваат на сериозни пропусти: од протекување на радијација од водените цевки, преку не-затворање на буриња за нуклеарен отпад, па се до просипување на ураниумски прашок во цевките од кои тече киселина.
Според наводите на британските медиуми, во октомври 2017-та година во таа фабрика бил итно повикан тим специјалци откако дошло до инцидент со нестабилни хемикалии, што предизвикало страв кај околното население, а само еден месец подоцна било откриено дека еден работник во фабриката бил изложен на ниско ниво на радијација.
‘Worse than Chernobyl’ security scare at UK nuclear waste plant https://t.co/ZcG632l7NO pic.twitter.com/UfaFmYfXvB
— Sputnik (@SputnikInt) July 15, 2019
Исто така, на почетокот на оваа година дошло до оштетување на каблите со висок напон, што предизвикало снемување на струја, што го натерало Нуклеарното регулаторно тело конечно да реагира и до фабриката да прати барање за итно подобрување на безбедноста.
Локалното население живее во постојан страв бидејќи смета дека и еден инцидент е премногу, а посебно неколку, колку што веќе се случиле во таа фабрика за нуклеарен отпад.
Меѓутоа, раководството на фабриката одговара дека нема причина за грижа и дека сите инциденти досега биле минимално опасни.
Инаку, во фабриката има 140 тони плутониум, а во неа се складира и нуклеарен отпад од останатите нуклеарни реактори од Обединетото Кралство.
