По објавувањето на Charlotte Hornets и Vancouver Grizzlies дека во наредната сезона одреден број на натпреварите ке ги играат во нивните дресови од 90-тите, уште два тима решија да го сторат истото. Тимот на Utah Jazz ја враќа нивната препознатлива колоритна униформа која го одбележа најуспешниот период во тимската историја (од 1996 до 2003 година). Исто како Utah, тимот на Cleveland Cavaliers врати во употреба еден од најпрепознатливите и најуникатните дресови од минатиот век. “Коњаниците” оваа уникатна униформа ја поседуваа од 1995 до 2000 година.
За “џезерите” од Јута ова претставува оддавање почит на великаните на клубот, легендарните John Stockton и Karl Malone како и пласманот во големото финале во 1997 и 1998 година – епските борби против Michael Jordan и Chicago Bulls. Во тимот тоа време настапуваа и одлични споредни играчи како Jeff Hornacek, Greg Ostertag, Bryon Russell, Antoine Carr, Chris Morris. Постарите љубители на кошарката добро се сеќаваат колку силен состав поседуваше тимот од Salt Lake City. Eден од најкомплетните и најсилните тимови од Западната конференција под диригентска палка на тренерот Jerry Sloan.
Од друга страна, Cleveland Cavaliers враќањето на овој уникатен дизајн од 90-тите го окарактеризира како награда за навивачите на тимот. Cavs-и поминаа многу тешка сезона со слаби резултати. По силно инсистирање на своите фанови, конечно годинава ке се потсетиме на едни убави времиња во Ohio. Токму во оваа униформа играчи како одличниот плејмејкер Terrell Brandon и неуморниот работник Tyrone Hill станаа All Star играчи. Овој дрес го носеше и еден од најатрактивните играчи во тоа време Shawn Кемп кој важеше и за едно од најдобрите крилни играчи повеќе од една декада. Кошаркарските почетоци токму во оваа униформа ги направи и еден од најдобрите европски кошаркари, Литванецот Zydrunas Ilgauskas кој мина цели 12 сезони во тимот и неговиот дрес е повлечен од употреба како еден од најзаслужните во оваа франшиза. Едноставно ке биде вистинско уживање да се гледаат овие два тима со еден “ретро шмек” во следната натпреварувачка година.
NBA FAN
Димитар Младеновски
