Tајсон Фјури “преживеа” тешки 12 рунди и успеа да го победи релативно непознатиот Швеѓанец Ото Волин, во Саботата навечер.
Присутните на овој дуел во Лас Вегас беа сведоци на интересна борба во која повторно можеа да се уверат во храброста и издржливост на “The Gipsy King”. Во третата рунда Фјури прими силен удар и заработи двојна исеченица над десното око, која од рунда во рунда стануваше се поголема. Од тогаш па се до крајот на борбата беше очигледно колку повредата му претставуваше проблем, но на крајот стигна до својата 29 професионална победа во 30 професионални борби.
Докторите покрај рингот во шестата рунда го проверија окото на англичанецот и дозволија мечот да продолжи одкако се уверија дека нема проблем со видот. По проверката Фјури ја превзеде контролата до самиот крај. По мечот, тој веднаш се сврте кон можниот ри-меч со Дионтеј Вајлдер.
Фјури и Вајлдер имаа контоверзен меч во Декември 2018 година во Лас Вегас. Од рингот и двајцата излегоа како непоразени борци по одлуката на судиите за нерешен резултат по крајот на 12-тата рунда. Фјури во тој меч беше нокаутиран во последната рунда но, на изненадување на целиот боксерски аудиториум успеа да се исправи и да го заврши мечот, во кој реално го надмудри големиот американски “бомбардер”.
Од тогаш па наваму Фјуро веќе има две победи, над Том Шварц и оваа над Ото Волин а во најава е дека во Февруари 2020 ке се случи толку очекуванит реванш со Вајлдер.
“Добив расекотина рано во мечот и ме нервираше цело време. Но јас сум “ромски воин” а денес е ден на независноста на Мексико. Да живее Мексико! Се работи за срце и постојаност. Денеска бев подобар борец. Добив 12 рунди против силниот швеѓанец, големиот викинг Ото. Честитки за неговата желба и издржливост. Сакам да поминам време со моето семејство а потоа целта ми е да го “згазам” Деонтеј Вајлдер во реваншот.” – изјави Фјури веднаш по борбата.
Ова беше 5-ти меч на британскиот боксер по двегодишната пауза одкако стана апсолутен светски шампион во тешка категорија. По “come back”-oт е непоразен со 4 победи и едно реми. Со нетрпение ќе ја очекуваме неговата следна борба.
Димитар Младеновски
