Невремето “Гирионис“ кое го зафати северниот дел на Грција го уништи и едно од најпознатите и најбарани грчки летувалишта на балканските туристи.
Силните дождови ги поплавиле улиците на познатото летувалиште Паралиа, а водата влегла речиси во сите куќи и вили.
Најлошо поминала плажата која сега речиси не постои затоа што морето надошло до главната улица во внатрешноста на гратчето.
Надлежните наредиле евакуација на жителите кои живеат непосредно пред морето, односно во првата линија пишуваат од “Protothema.gr“.
Интензивните временски промени се во целосен ек, а на возачите им се советува да избегнуваат да се движат во областа на Катерини.
Како што наведува началникот на пожарникарната служба на Катерини, Панајотис Пацијалис, пожарникарите морале да интервенираат за да го пренесат на сигурно шпанскиот велосипедист и неговот куче кои во текот на ноќта останале на планината Олимп.
Училиштата во оваа област и понатаму остануваат затворени.
