Во последните моменти од животот девојка од Мичиген успеала со својот мобилен да сними потресно видео од своето момче како ѝ се заканува дека ќе ја убие покажувајќи ѝ куршум наменет за неа.
Индија Мекеј била застрелана и убиена само еден ден по прославата на својот 20-ти роденден. Нејзиното момче, 18-годишниот Кевин Диксон, е уапсен и обвинет за убиство од прв степен, како и за тајно носење огнено оружје.
Menacing moments police say, 20 year old India Mackey took on her cellphone. It was mere minutes before investigators say her boyfriend, shot and killed her. More on this case and the alarming number of #DomesticViolence homicides in Macomb County. Today on @wxyzdetroit at 5pm pic.twitter.com/840mVRYpia
— Andrea Isom (@AndreaIsomWXYZ) November 22, 2019
Мекеј била убиена во вторникот околу 17.30 часот по локално време во предградие на Детроит. Според информации од полициската станица, таа била застрелана за време на расправија додека со Диксон седела во комбе паркирано пред неговата куќа.
Жртвата во тој момент го извадила својот мобилен телефон и почнала да го снима Диксон, кој седел на совозачкото седиште со пиштол во скутот. Исто така, снимила и како ѝ го покажува куршумот со кој ќе ја застрела.
„Мислиш дека се шегувам, а?“, се слуша како зборува Диксон во снимката објавена од обвинителството.
На видеото се гледа како тој ги брише отпечатоците од прстите на куршумот и го става во пиштолот.
Обвинителот Ерик Смит на првото рочиште рече дека Диксон ја исполнил својата закана набргу убивајќи ја Индија Мекеј.
Полицијата го уапсила Диксон, а тој наводно го искористил мобилниот телефон на жртвата за да се јави кај мајка си и да ја замоли да му помогне да се ослободи од оружјето, појасни Смит.
Кога Диксон се појавил на суд, побарал од судијата да го ослободи бидејќи само што почнал да работи нова работа. Судијата го одбил неговото барање и му одредил притвор, без можност за кауција.
