САД го депонираа ратификуваниот протокол за членство на Македонија во НАТО

„Со задоволство ви соопштувам дека САД го депонираа ратификуваниот протоколот за пристапување на Македонија во НАТО. Еден чекор поблиску до прифаќање на Македонија како 30-ти сојузник на НАТО“, објави државниот секретар Мајк Помпео на неговата страница на Твитер.

Американскиот Сенат го ратификува протоколот за членство на земјава во Алијансата на 22 октомври годинава.За десет месеци протоколот за пристапување во НАТО е ратификуван од 28 од вкупно 29 членки.