Феде Валверде го доби признанието за МВП во финалето на шпанскиот Суперкуп, не само поради фантастичното издание кое го имаше на теренот, туку и поради акцијата која најголем дел од јавноста ја посочи како клучна во големото финале.
Во 115-та минута од судиското надополнување, Алваро Мората излезе сам пред голот на Реал и имаше се на своја страна да постигне гол, но тогаш Валверде изрежира еден неспортски потег од фудаблски план со кој го спаси својот тим од примен гол и сигурен пораз во финалето. Црвениот картон кој го заработи беше окарактеризиран како најдобриот професионален прекршок во последно време, бидејќи Реал подоцна славеше во пенал рулетот во Џеда.
Самиот Валверде по крајот на мечот призна дека не е задоволен од потегот кој го направи, бидејќи дефинитивно можеше да му нанесе поголема штета на Мората кој намерно го собори.
– Го доживеав тоа како и сите други, тоа беше намерен прекршок. Тоа е нешто што не треба да се прави во фудбалот, станува збор за колега кој игра во друг тим. Веднаш му се извинив на Мората, не беше добро тоа што го направив, но тоа беше единствена солуција. Среќен сум за титулата, но не сум среќен за тоа што го направив, бидејќи знам дека не е добро, – изјави Валверде, а потоа Симеоне откри што му порачал на младиот играч за врска додека го напушташе теренот.
– Тоа беше најважната акција во финалето, Валверде го направи клучниот потег. Кога излегуваше, му реков дека јас ќе го направев истото на негово место. Го одлучи финалето, а сега да видиме колку натпревари казна ќе добие од дисциплинската комисија, – изјави Чоло.
