И покрај разочарувачкиот прв дел на сезоната, во тимот на Portland Trail Blazers има причини за радост. По ангажирањето на Carmelo Anthony, и враќањето во форма на нивниот бек шутер, C.J. McColum, синоќа на дело стапи нивната прва виолина. Еден од најдобрите бекови и прв играч на “блејзерси”, Damian Lillard го почести тимот на Golden State Warriors со 61 постигнат поен.
Овој фантастичен перформанс на Lillard е негов рекорд во кариертата како и највисок број на поени кој било кој играч ги постигнал сезонава. Офанзивно импресивниот “Dame Dolla” успеа и да го сруши највисокото остварување во тимската историја, кое токму тој го постигна пред две години. Тогаш постигна 59 поени на дуелот против Utah, на 8-ми Април 2017 година. По синоќешниот дуел со “воините”, тимот од Орегон има нов рекорд за најмногу постигнати поени од нивни играч на еден натпревар, поминуваќи офанзивни великани како Clyde Drexler, Damon Stoudamire, Clifford Robinson, Terry Porter, LaMarcus Aldridge, Brandon Roy итн. Damian Lillard ја доживува статистички својата најдобра сезона во 8 годишната професионална кариера, со 27 поени во просек по натпревар. Во прилог најубавите моменти од рафалната стрелба на лидерот на Portland.
NBA FAN
Димитар Младеновски
