Citroen ја објави конечната верзија на концептот Ami One Concept, со што стана јасно дека овој електричен автомобил на француската компанија ќе заживее.
Новиот Citroen Ami, како што велат од компанијата е направен за да се приближи до што е можно повеќе луѓе на кои им е потребно мало возило за градски превоз. Главната карактеристика на Ami е токму неговата цена која изнесува 6 илјади евра, додека перформансите се ставени во втор план. Со оглед на тоа што станува збор за автомобил со мала моќ, во некои земји Citroen Ami ќе можат да го возат и деца од 14 и 16 години.
Станува збор за еден вид на комбинација на мал автомобил и затворен ромобил со батерија од 5,5 kWh која би требала да овозможи околу 70 километри возење. Јасно е дека станува збор за мал капацитет на батерија, но со оглед на тоа што овој мал автомобил е наменет за градско возење, тоа ќе биде сосема доволно.
Што се однесува до полнењето, овој автомобил доволно е да го поврзете на обичен домашен штекер и батеријата ќе биде полна за 3 часа. Максималната брзина на ова градско возило на Citroen изнесува скромни 45 километри на час.
Првите нарачки за овој електричен автомобил Citroen ќе започне да ги прима кон крајот на идниот месец, а Ami на француските патишта би можел да се најде веќе кон крајот на јуни.
