Кевин Гарнет е една од најуникатните личности кој остави силен и неизбришлив печат во последните две декади. Играч пред своето време. Носител на златен медал, и M.V.P. трофеј. NBA шампион. Во една од најпопуларните емисии (која дебитираше оваа сезона), “Аll the smoke”, “КG” до детали опишуваше исклучително интересни моменти од неговата богата NBA кариера. Заедно со своите пријатели (и во случајов домаќини) Стивен Џексон и Мет Барнс, Гарнет меѓу другото раскажуваше од каде доаѓа сиот интензитет и заразна енергија со која настапуваше, како и брутално тешките тренинг кампови низ кој поминал. Воодушевувачки звучи и неговата приказна кога како само 17 годишен средношколец (летото пред да биде избран на NBA драфтот) се соочил со најголемите – Мајкл Џордан и Скоти Пипен во неговото Чикаго. Уживајте во експлицитното интервју на едно од најдобрите крила кој некогаш се појавиле на кошаркарскиот терен.
NBA FAN
Димитар Младеновски
