Додека цел свет стравува од зараза од коронавирусот и сите предупредуваат на важноста на хигиената, инфлуенсерката Ава Луиса одлучила да се пофали дека е “попаметна“ од тоа, па објавила видео на кое лиже даска од вц школка во авион.
Снимката ја објавила на ТикТок, каде ја следат околу 20.000 луѓе, а ја нарекла “корона предизвик“, односно corona challenge. Видеото се прошири на социјалните мрежи, а повеќето луѓе се згрозени од нејзиното однесување.
Y’all participating in the new Corona Challenge? This is on a plane btw… pic.twitter.com/w1XwVRZd87
— Cash ✌🏾HYPE (@CashNastyGaming) March 15, 2020
„Одвратно, ниту на нејзините родители нема да им биде лесно после ова“, „Треба да биде уапсена, бидејќи ги поттикнува луѓето да се изложат на зараза, што не е во ред со неа?“, „Ова е крај на човечкиот род“, „Ова е природна селекција“, биле дел од коментарите.
Ава видеото го тргнала од својот профил и се јавила со коментар дека знае дека нејзините фанови се загрижени за неа и се плашат дека би можела да умре, но дека таа е ‘сосема добро’. Ги поучила гледачите дека коронавирусот е инфекција на дишните патишта и дека таа го нема тоа, а тоа и го демонстрирала, покажувајќи како пуши.
На Инстаграм, каде ја следат околу 150.000 корисници, објавила дека тоа го направила за CNN да известува за неа и изјавила дека пред лижењето, поминала 40 минути дезинфицирајќи ја даската од вц школката. Исто така се пофалила дека поради тоа видео заработила 4.000 долари.
