Убавото време наскоро со себе ќе ги донесе и комарците, а повеќето од нас на социјалните мрежи го споделуваат својот страв дека тие дополнително ќе ја прошират заразата коронавирус.
СЗО во своето соопштение во рамки на митовите за коронаврусот, посвети дел и за овој мит, кој го прогласија за невистинит.
Иако коронавирусот (2019-nCoV) најверојатно се пренел од животно на човек, досега нема никакви докази дека комарците го пренесуваат истиот.
„До овој момент нема никаков доказ дека преку убод од комарец се пренесува коронавирусот. Коронавирусот е респираторен вирус кој примарно се шири преку капки од заразено лице, воглавно после кашлање и кивање. Препораката е што почесто да се мијат рацете, да се чистат со средство за дезинфекција на база на алкохол и да се избегнуваат блиски контакти“, стои на сајтот на СЗО.
