Шпанската влада денес одлучи да биде воведен општ карантин поради пандемијата на коронавирусот во земјата.
Шпанската влада воведе поостри мерки за борба против новиот коронавирус со кои се забранува движењето на луѓето со цел да се спречи ширењето на вирусот.
Мерките стапија на сила од синоќа, а ќе траат најмалку до 9-ти април. Новите мерки не важат вработените во здравството, полицијата, армијата, телекомуникациите и енергетскиот сектор, пренесува шпански „Ел Паис“.
Со тие мерки не се опфатени објектите за продажба на храна и пијалоци, аптекарите, оптичарите, продавниците за ортопедски помагала, продавниците за храна на миленици и компаниите за нафтени деривати.
Во Шпанија во текот на ноќта како последица од коронавирусот починаа 849 лица, што е најголем број на смртни случаи за 24 часа од почетокот на епидемијата во оваа земја. Бројот на смртни случаи порасна на 8,189, а бројот на заразени во Шпанија според последните податоци изнесува 94,417.
Само во текот на последните 24 часа биле регистрирани дури 9,222 нови случаи.
