Главниот шведски епидемиолог Андерс Тегнел за Nature дополнително го објаснил шведскиот модел на борба против коронавирусот, кој ширум светот, но и во Шведска, наишол на многу критики.
“Мислам дека премногу се зборува за единственоста на нашиот пристап. Како и другите држави, настојуваме да ја израмниме кривата на вирусот, да го забавиме ширењето колку што е можно. Во спротивно, на здравствениот систем му се заканува колапс. Оваа болест не може да се спречи, барем не додека не произведеме правилна вакцина”, рекол Тегнел.
Рекол дека и законските можностите на оваа земја биле сосема поинакви.
https://twitter.com/NatureNews/status/1252635733095055365
“Шведските закони за заразни болести во главно се темелат на доброволна основа, односно на индивидуална одговорност. Јасно е наведено дека граѓаните имаат одговорност да не ја шират инфекцијата. Според постоечките закони немаме основа за затворање на градовите. Карантин може да се одреди на помали подрачја како училишта или хотели, но не можеме да затвориме цели географски подрачја”, објаснил тој.
Епидемиологот вели и дека нема научни докази за делотворноста на карантинот кога станува збор за вакви болести.
“Според моето мислење, затворањето на границите е апсурдно, бидејќи вирусот сега е во секоја европска држава. Како друштво настојуваме луѓето постојано да ги потсетуваме да се придржуваат до мерките на заштита. Не мора да затвориме се, бидејќи тоа би било контрапродуктивно”, порачал Тегнел.
Шведскиот пристап предизвикал критики и меѓу некои домашни и странски експерти, а оваа земја досега забележала 16.00 заразени и 1.937 починати.
Доктори, виролози и епидемиолози во Шведска го критикувале пристапот на владата во борбата против вирусот, откако билансот на починати надминал 1.000.
“Некој би сакал да помисли дека Шведска има стратегија и дека ги гледа работите однапред, посебно бидејќи нашата земја секогаш имала различен начин на борба со ширење на инфекции и вируси од остатокот од светот. Некој би помислил дека нашите надлежни добро се подготвиле кога се појави епидемијата во Кина, посебно бидејќи тогаш било јасно дека овој проблем ќе биде од светски размери. Ако Шведска имала добро разработена стратегија, тешко дека би имала пропорционално иста стапка на смртност како Италија, а 10 пати поголема од нашиот сосед, Финска”, пишува во писмото од овие научници.
