Ниту една земја не може да функционира без закони, а што кога тие се крајно апсурдни? Ова се некои од најбесмислените закони во светот.
Кога патувате во Сингапур задолжително оставете ги гумите за џвакање. Оваа град-држава во 2004-та година воведе забрана за увоз на гуми за џвакање. Според законот, забрането е да се носи и продава, а казната за фрлање на гума за џвакање на улица изнесува 500 долари.
Во австралиската држава Викторија не е дозволено сами да менувате сијалица. За тој „зафат“ мора да се погрижи овластен електричар, а доколку се забележи таков прекршок, казната е симболични 10 австралиски долари.
И Англија може да се пофали со еден од најапсурдните закони – им се забранува на луѓето да починат во парламентот. Овој закон се заснова на тоа дека парламентот се смета за кралска палата и поради тоа за погребот на секој кој би починал таму ќе треба да се погрижи државата.
Доколку одите во Гренвил во Франција, треба да имате на ум дека со себе не треба да го донесете и вашиот слон. Според законот од 2009-та година, на слоновите им е забранет влезот на плажа. Законот е донесен поради циркусите кои своите животни ги носеле во морето.
Кинезите имаат прилично ригорозни закони, но овој закон кој се однесува на Тибет е повеќе од апсурден. Според тој закон донесен во 2007-ма година, на тибетските монаси не им е дозволена реинкарнација (верување во повторно враќање на душата во телото после смртта), без за тоа да имаат дозвола од кинеската влада.
Монца, град на 15-тина километри од Милано во 2004-та година донесе закон според кој е забрането да се чуваат златни рипки во мали стаклени „кугли“. Законот тврди дека со таквото чување на рипките, стаклото на рипките им создава искривена слика на реалноста и поради тоа патат.
