Заменик Претседателот на Владата задолжен за европски прашања, Бујар Османи оствари средба со новоименуваната Амбасадорка на Велика Британија во Република Македонија, Рејчел Галовеј.
На почетокот од средбата Вицепремиерот Осамни изрази искрени очекувања за успешно продолжување и продлабочување на соработката.
„Го започнувате вашиот мандат во клучен момент за Република Македонија, период кога Советот на ЕУ донесе временска рамка за почеток на преговори во јуни, но и период кога земјата ги почнува преговорите за членство во НАТО“ истакна Османи, посочувајќи притоа дека како земја очекуваме да продолжи поддршката од страна на Велика Британија за овие интегративни процеси на Република Македонија. Османи посочи и на значењето што за земјава го има и билатерална помош од страна на Велика Британија, изразувајќи надеж дека истата ќе се интензивира согласно исходот од процесот БРЕГЗИТ, и согласно интересот кој Велика Британија го покажува за напредокот на земјите од Западниот Балкан.
„Билатералната соработката, и поддршката од страна на Велика Британија, има значајна улога во имплементација на реформите во различните области како што се администрацијата, образованието, во правосудниот систем, унапредување на демократијата, владеењето на правото, безбедносниот систем итн.“ – истакна Османи
Вицепремиерот Османи во текот на разговорот повтори дека Обединетото Кралство е еден од најважните партнери на Република Македонија и изрази благодарнот што и покрај сложените сопствени предизвици околу процесот БРЕГЗИТ, Велика Британија сепак останува силен поддржуваш на политиката на проширување на ЕУ, која ја смета како гарант за стабилноста и безбедноста на Европа во целина.
