Невооружен Афроамериканец кој во неделата беше застрелан седум пати од полицијата, се расправаше со неколкумина полицајци од Кеноша пред пукањето.
Аматерско видео ги прикажува случувањата кои им претходеа на пукањата. Видеото е снимено од спротивен агол од првото видео кое се појави на интернет и на кое можеше да се види како полицајците го застрелуваат Џејкоб Блејк.
На новото видео може да се види како Блејк се бори со најмалку двајца полицајци кои се обидуваат да го уапсат. Во еден момент тој успева да се ослободи и потоа тргнува да влезе во возилото.
Кога ја отвора вратата од автомобилот, се слуша истрел, по што видеото завршува.
