Централната изборна комисија на Киргистан денеска ги прогласи резултатите од парламентарните избори одржани на 4-ти октомври за неважечки.
“Поради бројните неправилности во текот на гласањето и во предизборниот период, на состанокот на членовите на Централната изборна комисија донесена е одлука парламентарните избори да се прогласат за неважечки”, се наведува во соопштението, пренесува “Tass”.
Приврзаниците на неколку партии кои според прелиминарните резултатите на изборите не освоиле ниедно место во парламентот, се собрале вчера на централниот плоштад во престолнината Бишкек, оценувајќи дека гласањето е лажирано.
Демонстрантите по повеќечасовните судири со полицијата упаднале во зградата на парламентот и владата и ги ослободиле од затвор поранешниот претседател Алмазбек Атамбајев и премиерот Сапар Исаков.
Киргистанскиот опозициски политичар и поранешен висок безбедносен службеник Курсан Асанов, се прогласил за вршител на должноста министер за внатрешни работи, а опозициските групи земале уште неколку згради, меѓу кои седиштето на градоначалникот на Бишкек.
