Пред речиси 30 години на теренот стапна еден од најголемите воини на кошаркарските паркети.
На 3-ти Ноември 1995 година, Минесота Тимбервулвс гостуваше на Сакраменто Кингс. Своето професионално деби (влегувајќи од клупата за резервни играчи) го имаше тогаш 19-годишниот Кевин Гарнет.
За 16 минути поминати во игра, Гарнет имаше 8 реализирани поени со 100% успешност од поле (4/4). “Волците” загубија со 10 поени разлика но, го добија најголемиот играч кој некогаш го облече нивниот дрес. Драфтуван како висок 5-ти пик, дирекно од средно училиште, ова беше почетокот на една долга и успешна кариера.
“Кеј Џи” беше едно од најдобрите крила во најсилната лига, и тоа во период од 21 година. Освен редовен All-Star, олимпиец и NBA шампион, остана запаметен и како вистински победник. Интензитетот и желбата за игра со која настапуваше секој меч стана пример за генерациите кој следуваа.
Уживајте во ова видео, каде на дело го имаме почетокот на една легенда.
NBA FAN
Димитар Младеновски
