Пред точно една година, во регуларниот дел од сезоната, својот прв меч го одиграа (тогаш сеуште) актуелниот шампион Голден Стејт Вориорс и Минестоа Тимбервулвс. Она што остана запаметено од тој меч е офанзивната експлозија на двајца млади и талентирани бекови кој за само нецели три месеци ке бидат разменети еден за друг.
ДиАнџело Расел постигна 52 поени од кој цели 35 во второто полувреме. На оваа фантастична поентерска партија придодаде и 9 скокови и пет успешни додавање. Неговото импресивно офанзивно издание не беше доволно за победа. “Воините” загубија, најмногу благодарејќи на Ендрју Вигинс кој на спротивната страна, постигна 40 поени и 7 асистенции.
На средината од првенството, поточно на 2-ри Февруари 2020 година, Минесота реши да го испрати Вигинс во Оукленд за играчот кој ја имаше најдобрата поентерска претстава токму во Минеаполис. Тоа значеше спојување на ДиАнџело Расел со својот голем пријател Карл Ентони-Таунс.
Уживајте во овој дуел на две млади и надежни NBA поентери.
NBA FAN
Димитар Младеновски
