Трамп лично не е загрозен, но на удар се неговите најблиски соработници. Кои се актерите во оваа драма?

Роберт Мулер

Поранешниот шеф на Федералното истражно биро од мај 2017. година ја врши функцијата специјален истражувач на американското министерство за правда, кој има задача да истражи секаква врска меѓу руската влада и секој поединец кој е поврзан со изборната кампања на претседателот Трамп.

Признавањето на Коен и прогласувањето на Манафорт за виновен не се директно поврзани со тоа прашање, но Коен бил еден од најблиските соработници на Трамп и би можел да открие многу работи за него.

Мајкл Коен

Коен, наречен Питбул, со години бил приватен адвокат на Трамп. Коен бил задолжен за најчувствителните прашања. Во април било објавено дека против него е отворена истрага поради даночна измама и илегално финансирање на изборна кампања.

Коен пред судот во Њујорк, меѓу другото признал дека на барање на кандидатот ги потплатил Сторми Даниелс и Карен Мекдугал, кои наводно биле во врска со Трамп.

Пол Манафорт

Од јуни до август 2016. година Манафорт бил менаџер на изборниот тим на Трамп.

Судот во Вирџинија го прогласил за виновен за затајување на данок во осум случаи. Овој процес е прва победа во судницата за специјалниот истражувач Роберт Мулер.

Сторми Даниелс

Порно актерката Стефани Клифорд, попозната како Сторми Даниелс, тврди дека била во врска со Трамп, а за да молчи, Коен и исплатил 130.000 долари.

Карен Мекдугал

Неколку дена пред претседателските избори во 2016. година, “WallStreet Journal” пишувал дека Трамп во 2006. и 2007. година бил во врска со зајачицата Карен Мекдугал. Матичната куќа на таблоидот “National Enquier” наводно и платила 150.000 долари за правата на таа приказна, но намерно не ја објавила за да го заштити Трамп.

Коен претходно рекол дека го организирал плаќањето на Мекдугал, која била Плејбој зајачица.