Човекот облечен во крзно прв го идентификуваа американските медиуми.
Сега полицијата бара помош од граѓаните во препознавањето на остатокот од тимот што насилно упадна во зградата на конгресот. Дури и ФБИ им помага.
Полицијата во Вашингтон објави десетици фотографии од симпатизерите на Доналд Трамп кои упаднаа во зградата на конгресот.
Инаку, американскиот полицаец Брајан Сикник им подлегна на повредите по немирите кога демонстрантите упаднаа во зградата на Капитол.
„Офицерот Сикник одговори на немирите и беше повреден во судир со демонстрантите“, соопшти полицијата.
Тоа е петта жртва на немирите предизвикани од приврзаниците на Доналд Трамп во средата.
Илјадници полицајци и припадници на Националната гарда се распоредени во Вашингтон. Уапсени се 68 лица. Секретарот за транспорт и неколкумина вработени во Белата куќа поднесоа оставки.
Предлозите да се прогласи претседателот Трамп за ненадлежен и да се отстрани од функцијата се слушаат сè погласно.
