Поранешниот актер една година е „чист“ од дрога, а на новите фотографии е непрепознатлив

Актерот на многумина им е најпознат по улогата во филмот „The Mighty Ducks“, а тој сега една година е чист од дрога, откако во последните неколку години тој повеќе пати беше уапсен.

Вајс во 1992 година беше ѕвезда во филмот на Дизни, а исто така глумеше и во серијата „Freaks and Geeks“.

Во 2017 година беше осуден на 150 дена затвор поради кражба, но бил пуштен по 12 дена, пренесува „The Sun“. Но, само пет дена подоцна бил уапсен поради поседување на метамфетамин.

Откако отслужил казна од 90 дена, една година подоцна повторно завршил во затвор, овојпат поради јавно опивање. Откако ја отслужил казната, заминал на рехабилитација.

Во тоа време актерот на социјалната мрежа Фејсбук споделил како „чувствува дека го допрел дното и дека нема никакви финансии, но и дека животот му е во непосредна опасност“.

Последен пат тој бил уапсен минатата година откако бил уловен во текот на провала под дејство на метамфетамин.

Лани тој заминал на рехабилитација, а откако почна пандемијата на коронавирусот се наоѓа на лечење во Калифорнија и овие денови го одбележа 365-от ден без дрога.

Вајс имал голема поддршка од својот близок пријател Дру Галагер кој што му помогнал во тој процес.

„Тој дефинитивно е виновен за многу од работите кои што ги прави“, изјавил неговиот пријател за „People“, па додал:

„Но, кога ќе поминете подолго време со него, би имале повеќе сочувство и разбирање за тоа што го прави. Тој е болен, ментално болен. Болен е, а поради тоа сите се откажуваат од него“.

Откако Вајс сериозно се посветил на рехабилитацијата, Дру ја покренал кампањата за него „GoFundMe“ собирајќи над 13 илјади долари од кои дел биле искористени за поправање на штетата која што дрогата му ја направила на забите.

„Поради насмевката ‘живна’. Сега повторно почнува да се покажува јавно“.