Вистински хорор се случил во ковид болница во Јужна Африка. 34-годишниот Јужноафриканец Шонисани Летол почина откако во ковид болница 100 часа бил без храна, а никој не го погледнал три дена.
Летол е примен во болницата Тембис во близина на Јоханесбург во јуни поради бубрежна исуфициенција откако се заразил со вирусот, а резултатите од наодите ги добил шест дена пред смртта.
„Проблемите кои ги имам во една од вашите болници продолжуваат, а сега стануваат и неподносливи. Изгледа дека ништо од ова не ги интересира”, напишал Летол на Твитер и пораката ја пратил до министерот за здравство Звелиј Мизе два дена откако бил примен во болница.
Мажот во болницата не бил нахранет 43 часа пред да ги добие лековите за спиење, а потоа не добил инфузија уште 57 часа откако заспал, покажала истрагата отворена по неговата смрт, пишува “EN24News“.
Родителите му носеле храна, но персоналот на болницата не му ја доставувал затоа што портирите се плашеле да одат на одделението на кое лежат ковид-пациенти. Омбудсманот во својот извештај, заклучил дека во таа болница не ни требало да бидат сместени пациенти заразени со коронавирус, бидејќи на истите одделенија се сместувале и заразени и незаразени пациенти.
Властите преземале дисциплински мерки против директорот на болницата и некои членови на персоналот, вклучувајќи ги и оние кои лажеле под заклетва.
Во земјата над 44.000 луѓе починаа од коронавирусот.
