Семејството на 20-годишната Верица Белчовска од Берово, чии органи беа донирани по нејзината смрт и семејството на младиот Иле Стрезовски од Брвеница, во чии гради чука нејзиното срце, стапиле во контакт.
Цветко, таткото на Иле за „Фокус” изјави дека телефонски разговарал со Мартин, братот на Верче.
„Се слушнавме со братот на Верче телефонски. Изгубив сестра, но добив брат, ми рече. Со таа реченица е кажано сè, нашата благодарност не може да се опише со зборови, сите ние сè уште сме како во сон, полека започнуваме да сфаќаме што навистина се случи. Двете сестри на Иле заедно со зетот вчера заминаа во Русиново, да присуствуваат на погребот на Верче. Тоа е најмалку што можеме да направиме, да ја покажеме нашата почит кон девојката чиј живот трагично заврши, но и кон нејзиното семејство кое ја покажа целата своја големина со хуманиот гест. Вечно сме им благодарни, да се стабилизира состојбата на Иле, да помине сето ова, секако дека планираме во иднина и лично сите да се запознаеме, да се видиме со луѓето чија добрина ја трогна целата земја“, раскажува таткото.
Сопругата на Иле, Маја, вели дека тешкиот период е зад нив, и го очекува својот сопруг да се врати во домот. Се радува на сите идни времиња кои се пред нив, а љубовта и поддршката ги воделе низ животот додека им било најтешко.
„Во добро и во лошо, нашата љубов е тука, по сè што поминавме заедно, уште посилна. Во брак сме околу две години, сето ова низ кое минавме нè направи уште поблиски, сплотени. Со нетрпение чекам Иле да се врати дома, голема благодарност до фамилијата на Верче за шансата која ни ја пружи, до лекарите, до сите кои ни упатија зборови со поддршка. Ова е една животна приказна за која тешко се наоѓаат вистинските реченици, што и да кажеме, не можеме да ги доловиме емоциите кои се во нас“ вели Маја за „Фокус“.
Синоќа најблиските се испратија од 20-годишната Белечевска на чиј што погреб сочуство изразија и членовите на семејството Стрезовски откако ги зближи хуманиот чин. Струмичкото јавно обвинителство веќе го прекфаливикувало кривично дело и сега 18-годишниот Струмичанец се гони за тешки дела против безбедноста на луѓето и имотот во сообраќајот, но со последица каква што имаше Белчевска. Дали возачот кој на седми април избега ќе се гони за небрежност или делото го сторил со умисла, одлуката обивнителство ќе ја донесе откако ќе ја одбие крвната анализа за присуство на алкохол.
