Англиските гиганти Челзи и Манчестер Сити се клубовите кои го „скршија мразот“ и по само два дена од формирањето на Суперлигата, најавија напуштање од новото фудбалско натпреварување во кое треба да играат најмоќните европски клубови.
Фановите на премиерлигашите веќе се на улица и протестираат заради одлуките на своите клубови, но откако „Би-Би-Си“ објави дека Челзи најави напуштање, во Лондон се слави победата над Суперлигата.
„Го спасивме фудбалот“, гласи пораката на фановите на Челзи.
Иако се чинеше дека темелите на Суперлигата се цврсто поставени, многу веројатно оваа идеја на европските гиганти ќе падне како кула од карти.
