Навистина урнебесно видео од натпреварот од германската Бундеслига помеѓу Унион Берлин и Вердер Бремен се појави на социјалните мрежи.
Ударите со топка во меѓуножјето знаат да бидат екстремно болни за фудбалерите кои потоа се превиткуват на тревникот додека не помине болката.
Тоа најдобро на своја кожа го осети фудбалерот на Вердер Бремен, Марко Фриедл кој три пати во рок од десет секунди доби удари на незгодното место.
Talk about taking one for the team … 😅😅😅 pic.twitter.com/HXkcrB1VaO
— ESPN FC (@ESPNFC) April 24, 2021
Одбранбениот играч на Вердер по првиот добиен удар се струполи на земја, но тоа што се случи после дефинитивно не го очекуваше. Играч на Унион Берлин повторно упати удар и повторно го погоди во меѓуножјето, а за работата да биде уште полоша, топката му се одби до него, тој пак шутираше и пак го погоди Фриедл на исто место.
Видеото веднаш стана вистински хит на социјалните мрежи и брзо се прошири меѓу фудбалските сеирџии.
