На бродовите во близина им е наложено да бидат на најмалку 18,5 километри оддалеченост од локацијата на инцидентот.
Кинеската Управа за поморска безбедност соопштила денеска дека дошло до излевање на нафта во Жолтото море од танкерот “ASymphony”, кој пренесувал околу милион барели нафта.
“Брод за превоз на товар удри во “ASymphony”. Сите се на безбедно, а ние сме во процес на запознавање со фактите”, рекол еден од изворите.
#China's Shandong Maritime Safety Administration said on Tuesday that the tanker #ASymphony, carrying around 1 million barrels of oil, has spilled oil in the Yellow Sea. https://t.co/0KhP9cK7mt
— Gulf-Times (@GulfTimes_QATAR) April 27, 2021
“Reuters” наведува дека танкерот, кој плови под знамето на Либерија, последен пат бил виден во близина на пристаништето Кингдао, според податоците на “Refinitiv Eikon”.
Целокупниот екипаж на танкерот “ASymphony” е преброен и нема извештаи за повреди, се наведува во соопштението на управникот на бродот, а пренесува “Bloomberg”.
Локални експерти за реакција се распоредени да го спречат излевањето на нафтата и да започнат со чистење, се наведува во извештајот.
