Ракетите “циркон” и “посејдон” ќе и обезбедат на Русија статус на воена суперсила – од тоа оружје нема одбрана, пишува германскиот портал “Фокус”.
Поседувањето на вакво оружје обезбедува гарантирана одмазда доколку некој се обиде да ја нападне Русија.
Овие средства, освен конвенционални, можат да носат и нуклеарни боеви глави, што на глобален план ги прави многу опасни, истакнува “Фокус”.
Новите ударни борбени системи, како што се стратешки подводниот “посејдон” и хиперзвучната ракета “циркон” ќе и обезбедат на Русија национален суверенитет и статус на суперсила кога станува збор за вооружувањето.
И покрај фактот дека САД формирале “Вселенски сили” за да ја засилат способноста на својата противракетна одбрана, “посејдон” и дава можност на Русија од длабочините на мрачниот океан да изврши нуклеарен возвратен удар, пишува авторот на статијата, воениот експерт Томас Јагер.
Второто ефикасно средство кое го развил рускиот воено-индустриски комплекс за потребите на опремувањето на воената Флота е хиперзвучната ракета “циркон”, која на тестовите од 2020-та година достигнала крстаречка брзина од 9.792 километри на час.
Во овој момент ниедно борбено пловило на светот не поседува одбранбен систем кој може да му се спротивстави на објект кој се движи со таква брзина.
Оваа ракета може да носи нуклеарна боева глава, а освен својата основна намена како што е борба со стратешки пловила на непријателот, таа може да се примени и за удари на мети на копно.
“Посејдон” претставува беспилотно подводно пловило на нуклеарен погон кој поседува неограничен домет и кој може во движење да ја менува својата траекторија.
Според западните разузнавачки извори, овие подводни апарати ќе бидат опремени со термонуклеарно оружје. Имено, ,просторот за корисен товар (боева глава) ќе има должина од 6,5 метри.
Според наводите на американските разузнавачки служби, вака голем простор е доволен во него да се смести боева глава со сила еквивалентна на дури 100-150 мегатони ТНТ.
Неодамна руските извори изнеле податок дека стратешкиот нуклеарен подводен дрон торпедо ќе носи боева глава со сила од два мегатони.
Што се однесува до хиперзвучната ракета “циркон”, таа ќе може да оствари крстаречка брзина од 9 маха при што ќе може да нападне мети и на далечина од 1.000 километри.
Се претпоставува дека со овој тип на ракети ќе бидат вооружени површинските воени бродови и подморници, како идните, така и оние кои веќе се наоѓаат во оперативна функција, наведува “Фокус”.
