Деновиве ке ви ги претставиме сите новости од најсилната лига во Светот. Следуваат сите (“помали”) трансакции кој до сега не ги спомнавме.
Исклучителниот потенцијал, Џарет Ален, го продолжи договорот со Кливленд Кавалирс. За 5 годишна верност ке добие 100 милиони долари. Тимот од Охајо, силно верува во својот млад центар па самиот потег беше и очекуван од нивна страна.
Еден од нај перспективните плејмејкери во Светот, Шеј Гилгес-Александер, останува во Оклахома Сити. Управата на клубот реши да го “одврзе кесето” и го “врза” канаѓанецот за наредните пет години. За неговите услуги ќе треба да му се оддолжат со неверојатни, 172 милиони долари. Истовремено, “грмотевиците” го задржаа своето крило, Мајк Мускала, потег кој не е од некое исклучително значење.
Денвер Нагетс, полека но сигурно го комплетира ростерот. Најпрвин го задржаа крилниот центар Џемајкл Грин а потоа го доведоа неговиот презимењак, искусниот крилен играч Џеф Грин. Остин Риверс, кој им се приклучи на “нагетси” на средината од ланското првенство, исто така останува во Колорадо.
Продолжува пополнувањето на составот на Лос Анџелес Лејкерс. Нов играч во “Стејплс центар” ке биде силниот поентер Кендрик Нан кој доаѓа од Мајами. Ова може да претставува еден од најпотценетите случувања во ова жешко лето.
Шутерот Реџи Булок се сели од Њу Јорк во Далас со цел да помогне на нападот предводен од фантастичниот Лука Дончич. За 30 годишниот ветеран ова ке биде шести тим во професионалната кариера. Во исто време, нивниот бек поентер, Тим Хардавеј Јуниор потпиша нов четири годишен договор вреден 74 милиони долари. “Тими” како и Булок, исто така е поранешен играч на “никси”. За Хардавеј беа заинтересирани повеќе тимови, кој беа подготвени да платат и повеќе за неговите услуги. На крајот тој се реши да остане верен на тимот од Тексас.
Детроит Пистонс, конечно доведе (барем) некого. Нови играчи за “клиповите” се крилниот центар Треј Лајлс како и центарот Кели Олиник за кого (според повеќето познавачи) тимот од Мичиген плати премногу висока сума, по 12 милиони долари годишно за играч од клупата.
Девонте Грем ке го пополни испразнетото место во Њу Орлеанс по заминувањето на Лонзо Бол. Грем е еден од најпотценетите поентери во NBA. Со солидна минутажа може да покаже многу. За три годишна верност ке добие 47 милиони долари.
Њу Јорк Никс ги продолжи договорите со бекот Алек Буркс и центарот Нерленс Ноел. Управата на “ниски” е исклучително трпелива и претпазлива, оклу своите потези за разлика од претходните години.
Актуелниот шампион, Милвоки Бакс, го задржа Боби Портис а ги придодаде и искусниот шутер Родни Худ кој доаѓа од Тороното како и младиот центар Семи Ожале кој пристигна од Бостон.
Портланд и Торонто, ги продолжија договорите со играчите кој меѓусебно ги разменија на средина од ланската сезона. Норман Пауел останува во “блејзерси” а Гери Трент Јуниор ке биде еден од носителите на играта на младите “рептили”.
NBA FAN
Димитар Младеновски
