(Видео) Одекна и трета експлозија во Кабул: Најмалку 60 загинати и стотици повредени во нападите во Авганистан

964

Најмалку 60 лица загинаа, а повеќе од 140 се повредени за време на терористичките напади во Кабул што се случија на влезот на аеродромот и во близина на хотелот Барон, неколку стотини метри од аеродромот.

Меѓу загинатите и повредените има странски државјани и деца.

Според неофицијални информации, најмалку 12 американски војници загинале, а неколку десетици се ранети. Талибанците претходно ја потврдија смртта на 11 лица, наведувајќи дека меѓу ранетите има и талибански стражари. Се огласи и портпаролот на талибанците, Забиула Муџахид, кој рече дека талибанците ги предупредиле Американците за можни напади од терористички групи како што е ИСИС.

„Талибанците се посветени на меѓународната заедница и нема да дозволат терористите да го користат Авганистан како база за нивните операции. Талибанците ги предупредија американските војници за можни терористички групи како што е ИСИС“, се вели во соопштението на талибанците.

Пред експлозиите, некој пукаше при полетувањето на авионот на италијанската војска, којшто евакуираше речиси 100 авганистански цивили од Кабул.

Сето тоа се случи откако неколку западни земји предупредија на можноста за терористички напад на аеродромот во Кабул.

Секретарот на британските вооружени сили Џејмс Хејпеј рече дека заканата од терористички напад е многу веродостојна. Тој ја опиша заканата како многу сериозна и рече дека разузнавачките извештаи велат дека нападот може да се случи во секој момент. На прашањето дали нападот може да се случи во следните неколку часа, Хипеј само кратко одговори: „Да“.

ПОВРЗАНИ НАПИСИПОВЕЌЕ ОД АВТОРОТ