Кандидатот за градоначалник на Охрид, Гоце Цветковски од ТМРО во емисијата „24 анализа“ рече дека во изминатите години многу се влошила ситуацијата во Охрид и дека најголем страв имаат од урбаната мафија, која се плаши да ги руши нелегалните градби.
„Мојот план како менаџер е ефикасност. Дивоградбите што се во спротивност со Унеско ќе бидат автоматски срушени, пластиката масовно ќе се рециклира и нема да се пали ѓубре“, вели Цветковски.
Тој во дебатата во неколку наврати напомена дека нема да дозволи легализација на „Северна“ како и на дивоградбите, нагласувајќи дека откако ќе победи пред општината ќе се вее знамето македонско.
Царееееее ❤️😂 pic.twitter.com/gQh4vpkOkq
— Berberot (@gorne79) September 29, 2021
Во текот на дебатата Цветковски почна да посипува вегета по масата каде седеше заедно со своите соговорници.
„Оваа вегета ми ја дадоа колегите во Охрид малку да им дадам за да замезат со парите што ги земаат“, рече Цветковски, фрлајќи ја кесичката со вегета кон соговорниците Кирил Пецаков од ВМРО-ДПМНЕ и Константин Георгиески од СДСМ.
