По падот на Фејсбук, Инстаграм и Ватсап, се појавија информации дека личните податоци на повеќе од 1,5 милијарди корисници на Фејсбук се продаваат на хакерски форуми, што ќе им овозможи на сајберкриминалците и огласувачите да влијаат на корисниците на интернет на глобално ниво.
Кон крајот на септември 2021 година, еден корисник објавил дека поседува податоци на повеќе од 1,5 милијарди корисници на Фејсбук односно имиња, мејлови, телефонски броеви, локации, пол и шифри на корисниците. Овие податоци наводно сега се на продажба.
Еден купец е спремен да плати 5.000 долари за милион профили на Фејсбук, со тоа што вкупната цена би можела да достигне до 7,5 милиони долари, наведува „Спутник“.
Продавачот на податоците наводно навел дека е претставник на голема компанија која работи на тоа да ги „собере“ сите податоци од социјалната мрежа.
Како што наведува Шира Френкел, репортерка на „Њујорк Тајмс“, вработените во Фејсбук не можат да влезат во зградите каде што работат и да ја проценат големината на штетата бидејќи им се хакирани картичките за влез во објектите.
Претходно, Фејсбук преку Твитер им се извини на корисниците поради падот на социјалната мрежа.
